Job 28

aq12:10, 30:23

ar 26:6; Zaga 15:11

as Zaga 8:22-31

at Hlab 135:7

au 5:10

av 26:10

aw 38:25; Zek 10:1

ax Dute 4:6; Tshu 12:13

ay 1:1, 2:3; Zaga 3:7, 14:16, 16:6; Hlab 34:13

Mayelana lokuhlakanipha

1 Isibili kukhona umthapho wesiliva ^a, lendawo yegolide ^b abalicengayo ^c. 2 Insimbi ithathwa enhlabathini, lethusi lincibilikiswa elitsheni ^d. 3 Umisela umnyama umngcele, udingisisa kuze kube sekupheleleni konke ^e, amatshe obumnyama ^f lethunzi lokufa ^g. 4 Uqhekeza umgodi khatshana lalapho okuhlala khona abantu, lapho abakhohlwe khona lunyawo; bayalenga bejikajika khatshana labantu ^h. 5 Umhlaba, kuphuma ukudla kuwo ⁱ, langaphansi kwawo kuphenduka kwangathi ngumlilo ^j. 6 Amatshe awo ayindawo ^k yesafire* ^l, njalo ulothuli lwegolide. 7 Inyoni edla inyama kayiyazi indlela, lelihlo lelinqe ^m kaliyibonanga ⁿ. 8 Imidlwane yokuziqhenyayo kayiyinyathelanga ^o, isilwane kasihambanga kuyo ^p. 9 Uyelula isandla sakhe elitsheni elilukhuni, uyagenqula izintaba ezimpandeni. 10 Aqhekeze imisele emadwaleni, lelihlo lakhe libona konke okuligugu ^q. 11 Uyabopha izifula zingathonti ^r, lokufihlakeleyo ukukhuphela ekukhanyeni ^s.

12 Kodwa inhlakanipho ^t ingatholakala ivela ngaphi ^u? Lendawo yokuqedisisa ingaphi ^v? 13 Umuntu kalazi ixabiso lakho ^w, njalo kakutholakali elizweni labaphilayo ^x. 14 Ukujula kuthi: Kakukho kimi. Lolwandle luthi: Kakulami ^y. 15 Igolide elihle ^z lingenikwe endaweni yakho ^aa, lesiliva singelinganiselwe intengo yakho. 16 Kungelingane ^ab legolide ^ac leOfiri ^ad, le-onikse* eligugu ^ae, lesafire* ^af. 17 Igolide lekristali* kungelingane lakho ^ag, futhi kungenaniswe ngesitsha segolide elicwengekileyo. 18 Ikorali* lekristali ^ah kakuyikukhunjulwa ^ai, ngoba intengo yenhlakanipho ingaphezu kwamatshe aligugu ^aj. 19 Itopazi* ^ak leEthiyophiya ^al lingelinganiswe lakho ^am, kungelingane ^an legolide elicwengekileyo ^ao. 20 Pho, inhlakanipho ivela ngaphi? Lendawo yokuqedisisa ingaphi ^ap? 21 Ngoba kusithekile emehlweni abo bonke abaphilayo, kwafihlwa ezinyonini zamazulu ^aq. 22 Ukubhujiswa lokufa kuthi: Sizwile ngendlebe zethu umbiko wakho ^ar. 23 UNkulunkulu uyayiqedisisa indlela yakho, njalo yena uyayazi indawo yakho ^as. 24 Ngoba yena uyakhangela kuze kube semikhawulweni yomhlaba, abone ngaphansi kwawo wonke amazulu. 25 Esenzela umoya isisindo, walinganisa amanzi ngesilinganiso ^at. 26 Lapho esenzela ^au izulu isimiso ^av, lombane wokuduma indlela ^aw. 27 Ngalesosikhathi wakubona, walandisa ngakho; wakulungisa, yebo, wakuhlolisisa. 28 Wasesithi emuntwini: Khangela, ukwesaba iNkosi, lokhu kuyinhlakanipho ^ax, lokusuka ebubini kuyikuqedisisa ^ay.